回顧那些年TVB的女明星！邊D角色至今依然好絕？38婦女節快樂

今日係三八婦女節

可樂君祝大家節日快樂啊！

好多fans都係睇TVB大嘅

對TVB劇集情有獨鍾

趁著婦女節可樂君就同大家

回顧一下那些年TVB的女明星

多謝佢哋貢獻咁多好戲俾大家睇！

首先嚟講講嘉欣BB啦

可樂君知道大家都好掛住佢

希望佢可以返TVB拍劇

佢最令人印象深刻嘅

肯定要數B站流傳甚廣嘅

cheap man、I deserve better

以及令對方無法反駁嘅「懟人語錄」

睇咗好想翻煲一次《華麗轉身》

徐子珊

《My盛lady》呢齣戲

令可樂君意識到

子珊姐姐除咗索之外

仲可以好搞笑！

尤其是呢個「港女三連」：

點解嘅？真係㗎？你好叻啊！

你地仲記唔記得呢？

同埋佢D奸角

大家都印象好深吧！

講到奸角

肯定要提《宮心計》楊怡

演奸妃真係好出色！

尤其是呢句台詞

「打你咪打你咯，

仲使唔使擇日子啊？！」

用嚟做表情包真係優秀！

蔡少芬

雖然好多人對佢依家嘅印象

會係《甄嬛傳》嘅皇后

但以前佢喺《洛神》飾演嘅甄宓

曾經賺過觀眾好多眼淚

郭羨妮喺劇中飾演嘅奸角都好出色

惡毒到甄宓死咗佢都唔放過

細細個睇呢段

真係震撼弱小心靈

而家嘅話

龔嘉欣可以接佢班！

向海嵐

楊玉環&《無頭東宮》楚楚

無論演好人奸人表現都唔錯

關詠荷

《陀槍師姐》固然經典

但「娥姐」喺《金裝四大才子》

一人分飾秋月秋香更絕！

關詠荷嘅經典角色實在太多啦

雖然D戲都有翻D年代

但依家睇翻都覺得好好睇！

黎姿

除咗趙敏一角

佢令人深刻嘅角色仲有

《火舞黃沙》計明鳳

以及《水滸無間道》潘金蓮

當然仲有大家都好熟嘅

《珠光寶氣》同《金枝欲孽》

而提到《金枝玉葉》

就肯定要提佘詩曼嘅爾淳

呢個角色令人又愛又恨

阿佘好睇嘅戲真係多到數唔曬

從古裝到民國到現代

好似部部都好睇

《絕代商驕》啦

仲有佢喺《鳳凰四重奏》

出演不同時代嘅人

真係超經典

朱茵

無論係「射鵰」嘅黃蓉

抑或「西遊」紫霞仙子

精靈古怪嘅佢

一樣咁令人印象深刻！

李若彤

《神鵰俠侶》小龍女

一直係觀眾心目中嘅白月光

另外佢喺《天龍八部》

飾演嘅王語嫣

都一樣咁有氣質噶！

壓軸要為大家講講

帶俾大家好多童年陰影嘅

「龍婆」羅蘭姐！！！

其實佢後生都幾索噶

身材超絕！

除咗龍婆之外

佢所飾演嘅裘千尺

都非常經典

well

唔經唔覺已經過咗咁多年

多謝佢哋帶俾大家咁多好戲

令我哋嘅童年多姿多彩！

當然咁多年

肯定唔止我哋上面講嘅呢D啦

咁你最鐘意嘅

係邊一位TVB女藝人呢？

有邊個角色令你印象深刻？

留言區等你啊！

資料來源：網際網路綜合整理

編輯：Junko

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。