看看死人化妝師的入行資格

要入殯儀這行不難，但這行強調的；並不係你有無膽或驚不驚...！的的確確；死人化妝這行薪金非常可觀；正如一個學師仔即使係佢的起薪點亦已經有000。這行亦無年齡、性別、經驗限制！係咪好吸引？

...見人見智吧！不過你係需要具備特別條件至能夠勝任！而所為條件即係你本身五行各方面夠不夠正氣同殺氣！至於師傅樣點至知你有無條件？？師傅係有種另類應徵方法...

各位有意應徵的話...請考慮清楚！首先師傅會安排你在一個停屍間，而停屍間裡當然會有件好企理的死屍等緊你！停屍間內好細,房內只有你、死屍、一盞油燈、一張床和一部冷氣。其它欠奉請自便！師傅會安排三日俾你！

死人化妝入行條件及需知

這三日你只需坐在這間房；坐的時間係每日由黃昏約6:30至淩晨12:30不等！...在停屍間；你基本上係乜都不需要做，師傅純粹要你齋坐在度對住條死屍幾個鍾頭！

其間師傅只會間中入黎望下你，你不好期望師傅會企在度同閒談，因為師傅藉此考驗你定力同忍耐力(當然期間你可以去食飯去洗手間...就係咁；你要連續齋坐三幾日！

至於師傅是否錄用你就好睇你往後個星期。至於點解？？原因係大部份人坐完三日後跟往個七日都會有不同反應，而這七日期間師傅會跟你通電觀察你情況。

何謂反應？何謂觀察？因為大部份人都會出現無故嘔吐、發燒、有惡夢、暈眩或大病等等無法解釋的症狀...故此；師傅都定必需要知道你過後反應...師傅以此為你是否具備錄用條件！當你坐三日後有以上任何一種反應

均表示你陽氣不足、正氣少、殺氣低，受不起陰氣及靈氣磁場。即使你再有膽大包天都係徒然！因為過後反應正正代表你生辰八字、五行不能夠承受過多陰氣及靈氣磁場...故此跟睇相並無關係！

若果坐三日都依然食得、訓得、無不妥，則恭喜你！...殯儀行業等緊你！當正式被師傅收為徒後；基本上並無特別儀式或要求，衹需謹記師傅所提及的行規及禁忌便可。而由學徒做起到升任至資深化妝；為期至少需三至五年不等。

起初師傅會將一般由醫院病逝而又完整無缺之屍體；在你面前打理一番；期間師傅會邊做邊講解...之餘亦會同先人傾偈...起初你係行行企企、拾嚇手尾、睇師傅台戲、記化妝品用途種類、次序...通常師傅俾你睇得有七、八件死屍後...大約第十件至會俾你掂佢

然而；你起初的對象都係企企理理、無穿無爛(即醫院病死者)較為Easy-Job！而其他大製作則會由師傅表演.